|
                   |
|
|
Перакладчык
1 лістапада
1 лістапада 1939 г. у Ашмянах пачаў працаваць аддзел сацыяльнага забеспячэння. Цяпер гэта Упраўленне па працы, занятасці і сацыяльнай абароне Ашмянскага райвыканкама. Першапачаткова былі зарэгістраваны 342 пенсіянеры, 124 інваліды, 96 інвалідаў працы, 56 пенсіянераў па старасці і 66 чалавек, страціўшых кармільца.
У пасляваенныя гады аддзел аднавіў работу. У 1988 г. пры аддзеле сацыяльнага забеспячэння (31.07.1995 г. пераўтвораны ў аддзел сацыяльнай абароны) створана аддзяленне сацыяльнай абароны з мэтай надомнага абслугоўвання інвалідаў, састарэлых і іншых катэгорый грамадзян (першы загадчык С.С.Шыдлоўская).
У 2002 г. раённы аддзел сацыяльнай абароны пераўтвораны ва ўпраўленне па працы і сацыяльнай абароне, у 2007 г. – упраўленне па працы, занятасці і сацыяльнай абароне.
У 2006 г. пры ўпраўленні адкрыты тэрытарыяльны цэнтр сацыяльнага абслугоўвання насельніцтва. Пры цэнтры дзейнічае аддзяленне кругласутачнага прабывання для пажылых і інвалідаў (2008, в.Жупраны); дом самастойнага сумеснага пражывання (2016, Ашмяны). Дзейнічаюць 2 сацыяльныя пункты на стацыянарнай аснове ў г. Ашмяны і аг. Станцыя Ашмяны.
Раённы аддзел сацыяльнай абароны ў апошнія гады ўзначальвалі: А.М.Сурынаў, В.М.Дэмскі, Д.А.Афанасенкава, Г.У.Яшына, цяпер –. Губарава І.Ф.
Крыніцы інфармацыі:
1. Упраўленне па працы, занятасці і сацыяльнай абароне Ашмянскага райвыканкама // Краязнаўчы каляндар Ашмяншчыны на 2019 год / склад. Г.У. Палубінская.–Ашмяны, 2018. – С. 31.
2. Раённае ўпраўленне па працы і сацыяльнай абароне // Памяць: гіст.-дакум. хроніка Ашмянскага раёна / рэдкал.: Г.К.Кісялёў [і інш.]. – Мн.: БЕЛТА, 2003. – С. 516-517. (Прадпрыемствы, арганізацыі, установы).
