15.08.1951 г  нарадзілася. Шкелда Алена Адольфаўна, бібліятэкар, лаўрэат прэміі імя А.І.Дубко Гродзенскага аблвыканкама  “За творчыя дасягненні ў галіне культуры і мастацтва” у намінацыі “Бібліятэкар года” (2006). Месца нараджэння – в.Курчоўцы  Воранаўскага раёна Гродзенскай вобласці. Закончыла Магілёўскі бібліятэчны тэхнікум (1984).  На  працягу  50-ці  гадоў  (з 1971 г. і па сённяшні дзень) працуе ў Кальчунскай сельскай бібліятэцы Ашмянскага раёна. Дзякуючы высокім арганізатарскім здольнасцям і прафесіяналізму А. Шкелды  Кальчунская бібліятэка з’яўляецца адной з лепшых у Гродзенскай вобласці. Была пераможцам рэспубліканскага конкурсу “Бібліятэка – асяродак нацыянальнай культуры” (2000, 2019). Больш за 30 гадоў А.Шкелда з'яўлялася дэпутатам Кальчунскага сельскага Савета, апошнія гады – стараста аграгарадка  Кальчуны.

Крыніцы інфармацыі:

1. Шкелда Алена Адольфаўна // Краязнаўчы каляндар Ашмяншчыны  на 2021 год / склад. Г. У. Палубінская. — Ашмяны,С. 30 – 31.

2. Шкелда Елена Адольфовна / под ред. И.В. Чекалова // Кто есть Кто в Республике Беларусь. Женщины Беларуси. Т. 1. — Мн.: Энциклопедикс, 2011. - C. 164.