27 чэрвеня 1941 г.  адбыўся першы баявы вылет Паўла Іванавіча Коласа,  жыхара Ашмян, старшага  сяржанта, стралка-радыста 203-га далёкабамбардзіровачнага авіяпалка ў складзе экіпажа ДБ-3Ф (камандзір Пётр Шчарбакоў).  Перад экіпажам была пастаўлена нялёгкая задача: у раёне Кёнігсберга  выявіць аэрадром нямецкіх бамбардзіроўшчыкаў “Хейнкель-111”, сфатаграфаваць яго, каб у далейшым разбамбіць з паветра. Заданне было выканана, але  прыйшлося адстрэлівацца ад нямецкіх “месершмітаў”, самалёт быў, нібы рэшата,  пашкоджаны кулямі, асабліва хваставая частка. Але ўсе засталіся жывыя. Камандаванне было задаволена  такім поспехам.

       Павел Іванавіч Колас  (1918–2002) прайшоў усю вайну  (1941–1945). Удзельнік баёў за Берлін.  Узнагароджаны  ордэнам Чырвонай зоркі, медалём “За адвагу”,  юбілейнымі медалямі.

Крыніцы інфармацыі:

1. Дзмітрыеў, А. (Сяргейчык) У франтавым небе /А.Дзмітрыеў (Сяргейчык) // Памяць: гіст.-дакум. хроніка Ашмянскага раёна/ рэдкал.: Г.К.Кісялёў [і інш.]. – Мн.: БЕЛТА, 2003. – С. 372-373. (Крутымі дарогамі вайны).