12.05.1918 г.  нарадзіўся Кляцкоў Леанід Герасімавіч (1918–1999),  партыйны і дзяржаўны дзеяч БССР, Герой Сацыялістычнай Працы (1976).  Месца нараджэння – в.Шыліна Шумілінскага раёна Віцебскай вобл.  Па адукацыі настаўнік.   З  1935 г. на   савецкай   і   камсамольскай рабоце. Удзельнік Вялікай Айчыннай вайны. Закончыў    ВПШ    пры   ЦК КПСС  (1955). У 1952 –1960 гг.  працаваў 1-ым сакратаром Ашмянскага РК КПБ. З 1960 г. загадчык аддзела, сакратар Мінскага абкама партыі, старшыня Камітэта партыйна-дзяржаўнага кантролю абкама партыі і аблвыканкама, намеснік старшыні аблвыканкама. З 1966 г. загадчык аддзелаў ЦК КПБ, з 1972 г.  1-ы сакратар Гродзенскага абкама КПБ.  З 1989 г. інспектар  ЦК КПБ. Дэпутат Вярхоўнага Савета СССР з 1974 г. Дэпутат Вярхоўнага Савета БССР у 1059 – 1963 і 1967 – 1975 гг.

        Памёр у ліпені 1997 г. Пахаваны на Усходніх могілках у Мінску. Імем Л.Г.Кляцкова называўся сельскагаспадарчы вытворчы кааператыў у Ашмянскім раёне – СВК імя Кляцкова  (1997–2016).

Крыніцы інфармацыі:

1. Кляцкоў Леанід Герасімавіч// Краязнаўчы каляндар Ашмяншчыны на 2018 год / склад. Г.У. Палубінская.–Ашмяны, 2017. – С. 24-25.

2. Кляцкоў Леанід Герасімавіч // Памяць: гіст.-дакум. хроніка Ашмянскага раёна / рэдкал.: Г.К.Кісялёў [і інш.]. – Мн.: БЕЛТА, 2003. – С. 578. (Звязаны лёсам з Ашмяншчынай).

        12.05.1931 г. у Ашмянах нарадзіўся Урбановіч Вітольд, польскі мастак. Пасля вайны сям’я пераехала ў Польшчу. Закончыў акадэмію мастацтваў у Кракаве (1956). Сябра таварыства мастакоў “Кракоўская група” (1961). Выкладаў у каталіцкім універсітэце ў Любліне. Майстар станковага і манументальнага жывапісу (мадэрнісцкага стылю), аўтар абразоў. Удзельнік выстаў з 1956 г. (у Польшчы, Англіі, Францыі, Украіне, ЗША). Творы зберагаюцца ў музеях Варшавы, Кракава, Парыжа, Лондана, у калекцыях у ЗША, Галандыі, Швецыі.

Крыніцы інфармацыі:

1. Урбановіч Вітольд // Краязнаўчы каляндар Ашмяншчыны на 2021 год / склад. Г.У. Палубінская.–Ашмяны, 2020. – С. 23.

2. Урбановіч Вітольд // Памяць: гіст.-дакум. хроніка Ашмянскага раёна / рэдкал.: Г.К.Кісялёў [і інш.]. – Мн.: БЕЛТА, 2003. – С. 572.