21 красавіка ў рамках бібліятэчнага праекта “Ашмяншчына – малая радзіма вядомых людзей”, прысвечанага Году малой радзімы, у сельскай бібліятэцы вёскі Будзёнаўка адбылася літаратурна-краязнаўчая гадзіна “Таленты роднай зямлі”. Вядучая мерапрыемства, бібліятэкар Наталля Восіпаўна Молчан, пачала мерапрыемства з прадстаўлення таленавітых землякоў, якія нарадзіліся, а некаторыя працуюць у маляўнічым куточку Ашмяншчыны – вёсцы Будзёнаўка.
На сустрэчу з чытачамі бібліятэкі завітала Гелена Станіславаўна Яжэвіч. Яе вершы простыя, зразумелыя, вельмі лірычныя. Яны аб тым, што нам вельмі блізка і дорага. Справа, напэўна, у яе характары, маральнай чысціні, у тым абаянні, якое выпраменьвае яна як сваімі вершамі, так і сваім жыццём. Гэлена Станіславаўна чытала для прысутных вершы і гумарэскі ўласнага сачынення. У скарбонцы гэтай паэтэсы ёсць таксама і песні. Яшчэ Гэлена Станіславаўна вельмі прыгожа спявае. І яна з задавальненнем далучылася да працаўнікоў мясцовага дома культуры каб саспяваць некалькі песен пра родны край. Пра родны край разважала і праспявала для прысутных некалькі песен і да нядаўняга часу дырэктар сельскага дома культуры Наталля Мікалаеўна Лукашэвіч. Яна ўжо на заслужаным адпачынку, але ніколі не забывае сваіх калег і з задавальненнем далучаецца да творчых мерапрыемстваў у доме культуры, і ў бібліятэцы.
Вершы зямлячкі, мясцовай паэтэсы Генуэфы Францаўны Кеўра чыталі вучаніца 6 класа УА “Гімназія № 1 г. Ашмяны” Молчан Юля і вучаніца 8 класа УА “СШ № 1 г. Ашмяны” Сурган Аліна.
Казкі для дзяцей пішуць пісьменнікі-казачнікі, якія маюць уражлівую творчую натуру і тонкую душэўную арганізацыю. Бо незвычайна важна данесці да дзяцей даступнай для разумення мовай простыя ісціны, агульначалавечыя маральныя каштоўнасці. Пісьменнік-казачнік, запрошаны на літаратурна-краязнаўчую гадзіну ў бібліятэцы, піша не проста займальныя сюжэты, а творы, насычаныя каштоўнымі выхаваўчымі момантамі. Гэта жыхар в. Будзёнаўка, дырэктар быўшай Ашмянскай спецыяльнай агульнаадукацыйнай школы-інтэрнат для дзяцей з асаблівасцямі псіхафізічнага развіцця на заслужаным адпачынку Франц Уладзіміравіч Пячкоўскі. Ён зачытаў для гасцей мерапрыемства пару ўласных казак. Кожная з іх аказала на прысутных моцнае ўраджанне.
Будзёнаўскі край багаты не толькі таленавітымі паэтамі і пісьменнікамі, там жыве шмат творчых людзей, якія ўмеюць ствараць сваімі рукамі вельмі прыгожыя вырабы.
Франц Уладзіміравіч Пячкоўскі – таксама выдатны майстар разьбы па дрэве.
Выдатна з дрэва майструе і Іван Кірылавіч Мысаў. А вось Іосіф Баляслававіч Аўсюкевіч хоць і не жыхар вёскі, ён працуе ў ААТ “Аграпрамтэхніцы” цесляром і яго рукамі выраблены драўляныя ўпрыгожванні на тэрыторыі арганізацыі.
Марыя Іосіфаўна Замбрыцкая – майстар па вырабе вырабаў ручной працы: гэта шкатулкі, карзіны і інш. з папяровай лазы, самадзельныя лялькі, прадметы ўпрагожвання інтэр’еру і шмат іншага. Асабліва ўражваюць вырабленыя дадзенай масцярыцай лялькі.
Таццяна Міхайлаўна Казлоўская – майстар вышываць крыжыкам. Яе карціны радавалі погляд на выставе ў бібліятэцы. Работы астатніх майстроў былі паказаны на прэзентацыі.
Закончылі мерапрыемства праглядам відэафільма пра гісторыю і сучаснасць в. Будзёнаўка.