5 чэрвеня ў рамках праекта “Ашмяншчына на турыстычнай карце Беларусі” у Жупранскай сельскай бібліятэцы прайшоў вусны часопіс “Жупраны: мінулым, сучасным і будучым векам абраны”, падрыхтаваны сумесна з Станцыённай сельскай бібліятэкай. Са старонак імправізаванага часопіса прысутныя даведаліся аб паходжанні назвы вёскі, бліжэй пазнаёміліся з яе гісторыяй, знакамітымі людзьмі краю.
Аб падзеях Вялікай Айчыннай вайны на Жупраншчыне расказала бібліятэкар Станцыённай бібліятэкі Наталля Кубліцкая. Пра сучасныя Жупраны распавяла бібліятэкар Жупранскай бібліятэкі Таццяна Раціна. Асобная старонка была прысвечана Ф.Багушэвічу. Гучалі вершы паэта ў выкананні вучняў Жупранскай СШ Таццяны Янч і Анастасіі Багданавічус. Прысвяціла свой верш паэту і бібліятэкар Гінеўскай бібліятэкі Ірына Ізбіцкая. З архітэктурнымі помнікамі мясцовасці пазнаёміла актыўная чытачка бібліятэкі Юля Путырская. Мерапрыемства суправаджалася відэапрэзентацыяй.
Падрабязней аб гісторыі Жупран можна было даведацца з літаратурных матэрыялаў, прадстаўленых на кніжнай выставе “Жупраны: ад мінулага да сучаснасці”. Да мерапрыемства была аформлена фотавыстава “Жупраны ў аб’ектыве часу” і выстава вышыванак мясцовых майстрых Алены Бравінскай і Надзеі Івановай.