У восеньскім календары ёсць незвычайная дата, якая перапаўняе сэрцы людзей пачуццём глыбокай удзячнасці. Гэта 1 кастрычніка – Міжнародны дзень пажылых людзей. У гэты дзень хочацца быць асабліва ўважлівымі да ўсіх людзей сталага ўзросту, рабіць прыемныя сюрпрызы. З гэтай нагоды 6 кастрычніка Ашмянская раённая бібліятэка запрасіла членаў аматарскага аб’яднання “Мудрасць +” на пасяджэнне “Успамінаючы гады маладыя”. У час мерапрыемства ў адрас людзей старэйшага пакалення прагучала шмат цёплых слоў і пажаданняў. Для прысутных гучалі песні ў выкананні Канстанціна Яраша. Пазней прысутныя прынялі ўдзел ва ўсімі любімай гульні поле цудаў. Пераможцы атрымалі невялікія падарункі. Далей мерапрыемства працягнулася за кубачкам гарбаты. Святочная атмасфера нікога не пакінула раўнадушным. Усе атрымалі масу станоўчых эмоцый, забыўшыся пра праблемы і адпачыўшы душой. Да мерапрыемства была аформлена кніжная выстава «Ваших лет золотые россыпи».