28 ліпеня СБ в.Будзёнаўка запрасіла чытачоў на літаратурную вечарыну “Мы сустрэліся з табой у ліпені”, прысвечаную творчасці беларускай пісьменніцы Людмілы Кебіч і прымеркаваную да 65-годдзя з дня яе нараджэння.
Людміла Кебіч – Ганаровы член Саюза пісьменнікаў Беларусі. Лаўрэат прэміі імя А.І.Дубко Гродзенскага абласнога выканаўчага камітэта “За творчыя дасягненні ў галіне культуры і мастацтва” па намінацыі “Пісьменнік года” (2002) . З 2005 года – старшыня Гродзенскага абласнога аддзялення Саюза пісьменнікаў Беларусі. Пра гэта і пра іншыя жыццёвыя і творчыя дасягненні пісьменніцы даведаліся чытачы з расповеду бібліятэкара Марыі Пазняк. Яшчэ бібліятэкар патлумачыла назву мерапрыемства “Мы сустрэліся з табой у ліпені”: у ліпені нарадзілася паэтка, у яе творчай скарбонцы ёсць верш з адпаведнай назвай, з якога і пачалася вечарына.
Гучалі таксама вершы: “Скажыце мне”; “Спакуса”; “А што рабіць?”; “Рамонкавы світанак”; “Роздум”; “Застануся з табой”; “Але…”; “З усіх дарог”; “Не хапае неба” і іншыя. Вядучая звярнула ўвагу на прозу Л.Кебіч, асобна астанавіліся на апавяданні “Выбух”.