11 сакавіка Ашмянская раённая бібліятэка  на пасяджэнні клуба “Мудрасць +” запрасіла яго членаў паўдзельнічаць у полі цудаў “Жанчына. Вясна. Каханне”, прысвечанае  жанчынам, кветкам, каханню. Гульня праводзілася па ўсіх правілах вядомага тэле-шоў.  Вядучая Пазняк Марыя Яўстаф’еўна запрасіла тры тройкі ўдзельнікаў адказаць на пытанні 3-х тураў. Пераможца кожнага тура станавіўся ўдзельнікам фінала, дзе вызначыўся пераможца. Ім стала Скавінская Гелена Іосіфаўна. Яна адгадала слова і  атрымала  прыз. У  час музычнай  паўзы свае творчыя здольнасці прадэманстравала Тамашэвіч Марыя Фамінічна.  Яна праспявала песню сваёй маладосці.  Да мерапрыемства была падрыхтавана  выстава- віншаванне  “Жанчына. Вясна. Каханне”, дапоўненая   рэпрадукцыямі карцін мастакоў, прысвечаных прадстаўніцам самай прыгожай паловы чалавецтва – жанчынам.