25 лютага Ашмянская раённая  бібліятэка  запрасіла членаў аматарскага аб’яднання “Мудрасць +”  на пасяджэнне “Да бабулі на аладкі”, галоўнай тэмай якога была Масленіца, усімі любімае свята нашага народа. Спярша вядучыя Галіна Аніхоўская і Ірына Баркоўская  нагадалі гісторыю свята, потым загадвалі загадкі пра Масленіцу, прапаноўвалі  адгадаць песню па некалькіх прыведзеных радках і  праспяваць яе. Цікавым атрымаўся агляд літаратурных твораў, прадстаўленых Галінай Лагвіненка,  у якіх распавядаецца пра Масленіцу і масленічныя стравы:  М.Шолахаў “Ціхі Дон”, М.Гогаль “Мёртвыя душы”, А.Пушкін “Яўгеній Анегін” і інш. Кожны з прысутных дзяліўся  сваімі рэцэптамі прыгатавання бліноў. Ну, а потым, канечне ж,  частаваліся блінамі, аладкамі розных гатункаў  упрыкуску з варэннем і духмянай гарбатай.