Здаровае пакаленне 21 стагоддзя
14 лістапада ў чытальнай зале Ашмянскай раённай бібліятэкі прайшоў дзень інфармацыі "Здаровае пакаленне 21 стагоддзя". Бібліятэкары аформілі кніжную выставу “Стыль жыцця - здароўе”. Кнігі і перыядычныя выданні, прадстаўленыя на выставе, зацікавілі ўсіх, хто неабыякава адносіцца да свайго здароўя. Наведвальнікам прапанавалі пазнаёміцца з правільным рэжымам харчавання, фізічнымі нагрузкамі, загартоўваннем арганізма, давецца аб скандынаўскай хадзьбе, стрэсаўстойлівасці, а таксама аб негатыўным уздзеянні шкодных звычак на арганізм чалавека. Падлеткам было цікава наведаць мерапрыемства “У абдымках тытунёвага дыму”. Удзельнікі пазнаёміліся з гісторыяй з’яўлення тытуню і цыгарэт. Бібліятэкары расказалі колькі пакутуе і гіне людзей ад гэтай пагубнай звычкі. Прысутныя даведаліся аб страшных выніках курэння, аб тым, што чалавек які курыць нясе шкоду не толькі сабе, але і акружаючым. Праведзены агляд літаратуры, прадстаўленай на выставе, паказаны відэоролікі “Шкодныя звычкі”, “Прафілактыка курэння”.