Мы пройдзем па мясцінах, дзе грымела вайна

Перакладчык

GTranslatemultilingual websitetranslation delivery network

Мы пройдзем па мясцінах, дзе грымела вайна

25 чэрвеня супрацоўнікі гарадской бібліятэкі горада Ашмяны запрасілі чытачоў на гістарычны экскурс “Мы пройдзем па мясцінах, дзе грымела вайна”. Мерапрыемства праходзіла ў рамках раённага бібліятэчнага марафону-конкурсу “Дарогамі славы”, прымеркаванага да 75-годдзя вызвалення Беларусі ад нямецка-фашысцкіх захопнікаў. 75 гадоў прайшло з той пары, як адгрымелі апошнія выбухі і людзі дачакаліся вызвалення, Вялікай Перамогі. Вялікая Айчынная вайна ўвайшла ў нашу гісторыю як небывалая па жорсткасці, трагізму і, адначасова, гераізму ў барацьбе супраць фашызму. Вядучыя ўспомніла пра ваенную аперацыю “Баграціён”, пра гісторыю ваеннага ліхалецця на роднай Ашмяншчыне. Зыходзіць пакаленне, якое памятае жахі страшэннай трагедыі нашага народа, але ў кожнай сям’і ўспамінаюць усіх тых, хто абараняў нашу Радзіму. Штогадовы ўдзел у патрыятычнай акцыі “Беларусь памятае”, шэсце з партрэтамі герояў вайны, сваіх родных – найвялікшае сведчанне памяці і ўсенароднай удзячнасці. Дапоўніла мерапрыемства электронная прэзентацыя і агляд літаратуры “Вялікая Айчынная вайна ў творах літаратуры”.