5 красавіка аддзел абслугоўвання і інфармацыі ДУК “Ашмянская раённая бібліятэка” запрасіў членаў клуба “Сустрэча” на выязное мерапрыемства ў аграгарадок Гальшаны “Душою адданы радзіме малой”. Менавіта тут адбылася сустрэча з чалавекам года Гродзеншчыны, чалавекам года Рэспублікі Беларусь у галіне культуры, спецыялістам па музеях і ахове гісторыка-культурнай спадчыны аддзела метадычнай работы ДУК “Ашмянскі раённы цэнтр культуры” Сяргеем Жылікам. Мерапрыемства было прымеркавана да Года малой радзімы, 75-годдзя ўтварэння Гродзенскай вобласці і 75-годдзю вызвалення Беларусі ад нямецка-фашысцкіх захопнікаў.
У час размовы вядучая мерапрыемства Святлана Галінская пазнаеміла прысутных з госцем, расказала цікавыя звесткі з жыцця Сяргея Жыліка. Дзе б не працаваў Сяргей Аляксандравіч – у Граўжышкоўскай школе, першым сакратаром у аддзеле па справах моладзі райвыканкама, у ААТ “Ашмянскі мясакамбінат” , аддзеле адукацыі ці ў аддзеле культуры, усюды неабходны былі яго веды і вопыт, творчыя здольнасці.
Гальшанцы і ўдзельнікі клуба з цікавасцю слухалі пра праектную дзейнасць суразмоўцы, пра яго падарожжы па роднаму краю і за яго межы.
Сяргей Аляксандравіч быў адным з удзельнікаў моладзевага форума студэнтаў на Кубе. Вельмі цікава суразмоўца расказваў пра свае падарожжы ў Польшчу, бо менавіта тут ён не толькі адпачываў культурна, але і знаходзіў цікавыя звесткі для сваёй творчасці.
Сяргей Аляксандравіч расказваў прысутным і пра свае захапленне жывапісам – ён малюе ў вольны час карціны. Некалькі карцін ёсць у краязнаўчым музея імя Ф.Багушэвіча ў г.Ашмяны. Калі здараецца наведаць выставы мастакоў, то там ён натхняецца іх творчасцю. Любіць наш суразмоўца пагартаць часопісы, якія расказваюць пра сад, агарод. На яго прысядзібным участку расце некалькі відаў туй, а кусты ружаў радуюць вока сваімі кветкамі. Сяргея Жыліка многія ведаюць, як вядучага раённых мерапрыемстваў, а “Рэгіянальная газета”, правеўшы свой “Топ самых прывабных мужчын рэгіена”, выбрала яго самым прывабным мужчынам Ашмяншчыны.
Гасцям сустрэчы было цікава пачуць аповед Сяргея Аляксандравіча пра гісторыка-культурныя каштоўнасці нашай Ашмяншчыны. Пад час мерапрыемства прысутныя задавалі шматлікія пытанні, якія датычыліся Гальшанскага замка, вадзянога млына і інш.
Прысутныя мелі магчымасць зрабіць аглядную экскурсію па аграгарадку Гальшаны, наведаць руіны замка Сапегаў, паглядзець інсцэніроўку ля сцен замка пра Белую Панну і Манаха, падрыхтаваную работнікамі аддзела культуры і арганізацыі вольнага часу, наведаць музей Дугі Струвэ ў сельскай бібліятэцы.